Loyvt er súkklara at hava hjálparbil. Tá ein súkklari meldar seg til kappingina skal hann upplýsa fyrireikaranum, um hann hevur hjálparbil ella ikki.

Tað er ikki loyvt at luttaka við einkultstart- ella trisúkklu, eiheldur vanlig súkkla við triboyla

Hjálparbilurin kann hava eyka hjól ella súkklu, og súkklarin hevur sostatt møguleika at fáa alla ta mekanisku hjálpina, ið tørvur er á.

Kappingarfyriskiparin skal syrgja fyri at minst tveir bilar eru til kappingina – ein ovastabilur, ið er fremsti hjálparbilur, og ein savningarbilur "feiiskuffa", ið er aftasti hjálparbilur. Aðrir hjálparbilar skulu halda seg millum hesar báðar bilar.

Um súkklari punkterar ella fær brek á súkkluna, og viðkomandi má fáa hjálp frá hjálparbilinum, so hevur hesin ikki loyvi at "koyra súkklaran upp" til feltið aftur, ella á annan líknandi hátt hjálpa honum. Brot á hesa reglu verður revsað!

Førarin
Førarin skal seta ferðina niður, ella koyra inn til síðuna og steðga, um hann er til ampa fyri ferðsluna ella súkklarar.

Førarin kann hjálpa súkklaranum um hann punkterar ella fær aðrar mekaniskar trupulleikar.

Førarin skal halda ferðslureglurnar.

Annað
Í FM 100 km kappingini er tað loyvt súkklara, tá hesin er komin til Havnar, at fáa "mat og drekka" á økinum framman fyri málið á Eystara Ringvegi.

Loyvt er súkklara at biða vinir og kenningar standa á leiðini og geva sær tíðir og millumtíðir, tá hann koyrir framvið. 

Tá koyrt verður gjøgnum tunnil, líkamykið um ljós er ella ikki, skal súkklarin hava lykt framman og aftan, og súkklarin skal hava endurskin, í minsta lagi á vinstra beini!

Allir luttakarar skulu nýta hjálm, og ongin súkklari sleppur við uttan hjálm. Hjálmurin skal sita á høvdinum frá kappingarbyrjan til kappingarenda.


Býarkoyring

Respeed
Súkklarin fær bert respeed í eitt umfar. Súkklarin fær respeed fyri eitt hvørt brek á súkkluni (kaðal- og ketuslit, punkteringar o.a.). 
Um súkklarin er útfyri slíkum óhappið, so hevur hann møguleika at skifta til eyka súkklu.

Tað er ikki loyvt at luttaka við einkultstart- ella trisúkklu, eiheldur vanlig súkkla við triboyla

Ein súkklari, ið verður heintaður við einum umgangi av høvuðsfeltinum, hevur ikki loyvi til at luttaka aktivt í feltinum, men skal halda seg aftarliga, og skal so vítt gjørligt syrgja fyri, ikki at verða til ampa fyri hinar súkklararnar.

Tann, ið hevur ábyrgdina av kappingini avgerð sjálvur hvussu nógv umfør súkklararnir fylgjast áðrenn kappingin av álvara byrjar. Í hesum umfarinum/umførðinum skal koyrast róligt.

Allir luttakarar skulu nýta hjálm, og ongin súkklari sleppur við uttan hjálm. Hjálmurin skal sita á høvdinum frá kappingarbyrjan til kappingarenda.


Einkultstartur

Hjálparbilur 

Loyvt er súkklara at hava hjálparbil.

Tá ein súkklari meldar seg til kappingina skal hann upplýsa fyrireikaranum, um hann hevur hjálparbil ella ikki.

Hjálparbilurin kann hava eyka hjól ella súkklu við, og súkklarin hevur sostatt møguleika at fáa alla ta mekanisku hjálpina, ið tørvur er á.

Hjálparbilurin hevur loyvi at koyra so tætt upp til súkklaran soleiðis sum ferðslulógin tilskilar.

Førarin  

Førarin skal seta ferðina niður, ella koyra inn til síðuna á vegnum og steðga, um hann verður til ampa fyri ferðsluna ella aðrar súkklarar.

Førarin kann hjálpa súkklaranum um hann punkterar ella fær aðrar mekaniskar trupulleikar.

Førarin skal halda ferðslureglarnar.

Súkklarin

Súkklari, ið yvirhálar, hevur ikki loyvi til at súkkla við síðuna av tí yvirhálaða, men skal fram um viðkomandi. Tann yvirhálaði skal síðani ”lora seg” 25 metrar afturum. 

Uppmøting 

Súkklari og hjálparbilur skulu vera á málinum 1 tíma undan kappingarbyrjan.

StarturinÍ FM 30 km kappingini byrja súkklararnir í øvugtari raðfylgju av tí plasering, ið teir fingu í somu kapping árið fyri.

Í Statoil Kring Føroyar og Grand Prix Føroyar byrja súkklararnir í øvugtari raðfylgju av samlaðu støðuni innan einkultstartin.

Um súkklari luttekur fyri fystu ferð, ella ikki luttók í fjør, skal hesin byrja fyrst. Eru fleiri, ið ikki hava luttikið fyrr ella í fjør, so verður starttíðin avgjørd við lutakasti teirra millum.

Fyrireikarin av kappingini avgerð í góðari tíð hvussu long tíð skal vera millum hvønn súkklara (vanligt er 1 min.).

Annað

Loyvt er súkklara at biða vinir og kenningar standa á leiðini og geva viðkomandi tíðir og millumtíðir, tá hesin koyrir framvið.

Allir luttakarar skulu nýta hjálm, og ongin súkklari sleppur at luttaka. 

Hjálmurin skal sita á høvdinum frá kappingarbyrjan til kappingarenda.

Tá koyrt verður gjøgnum tunnil, óansæð um ljós er ella ikki, skal súkklarin hava lyktir framman og aftan, og súkklarin skal hava endurskyn, í minsta lagi á vinstra beini!


Brot á reglunar

Klagur   

Klagur skulu vera kappingarleiðsluni í hendi innan heiðursmerkjahandanin fer fram. Klagur skulu vera skrivligar

Revsing

Tað er bara fyrireikarin av kappingini, ið hevur rætt til at geva revsing um reglurnar ikki verða hildnar.

Revsingin kann verða:

• Tíðarrevsing uppá 10 sekund ella meira
• Kolldøming 
• At súkklarin verður settur aftast í bólkinum, ið hann kom á mál saman við. 
• Revsingin skal verða líka fyri allar, og eins fyri øll sløg av kappingum.